L film "Le Rëgn de Fanes" de Susy Rottonara, Roland Verra y Hans Peter Karbon à davagné enier, 30 de dezember 2009, ben 5 pesc' al festival internazional Reel Film Festival.
(www.lareelfilmfest.com, a Los Angeles, California/Stac Unis). Y al ne é nia l prum pest che l film à podù pié do. Ai 6 de auril 2008 fòvel vegnù premié la ciantarina y tl medem temp enstessa compositoura dles mujighes originales dl film, Susy Rottonara, a Asbury Park tl New Jersey (Stac Unis) con l prum pest pro l Garden State Film Festival per la mioura "ciadeina sonoura internazionala" (best international score). De otober dl ann denant 2007 à l film tamben trat l prum pest per la mujiga da film pro l "Music Festival" de Londra.
Foto: Tone Palfrader (Re de Fanes), Susy Rottonara (Dolasila) y Cristina Nagler Crazzolara (Reina de Fanes).
L film "L Regn de Fanes" per chel che Susy Rottonara à componù les mujighes sceniches, é l prum film dediché deplen a les lijendes de Fanes. Al é vegnù realisé dl 2005 sun enciaria dla RAI de Bulsan.
La finamira dl Reel Film Festival é chela de ti sporje n reconesciment a ideadaours (scritours y rejissours) talentés de films independenc. L "Regn de Fanes" à trat chisc pesc' tl cheder tl Reel Film Festival:
- 2. pest assolut tla categoria "Foreign Films" y ben cater prums pesc':
- Best Foreign Film Digital Effects
- Best Foreign Film Special Effect (Make-up)
- Best Foreign Film Stunts
- Best Foreign Film Costume Design
- 30/08/2010 16:58 - Université: spligazion de toponims
- 21/08/2010 19:26 - Festa Ladina tl Ciastel Prösels/Fie
- 27/01/2010 20:59 - Université a Persenon: mujiga ladina
- 19/01/2010 19:02 - Parola dl ann: Dolomites, arpejon dl'umanité
- 30/12/2009 11:23 - Comunanza Ladina: festa da Nadel
- 18/11/2009 16:40 - Chiet, o ciel ...
- 08/11/2009 16:09 - Ladinia: mujiga y poejia a Bulsan
- 07/11/2009 09:42 - La parola y la parolata 2009
- 21/10/2009 14:25 - Les mendranzes che cresc