120 domandes é vegnudes ejaminedes
Consulta: ala á partí su entourn 720.000 euro
L’edema passeda s’á la Consulta Ladina abiné does outes a Corvara per jí tres les 120 domandes do n contribut provinzial de persones y de unions che laora tl ciamp cultural. Al é vegnù juté fora dinés per l’amonta de 720.000 euro. A vuet é ence eniann juda fora la “Union Scritours Ladins Agacins”, sceben che ala ova prejenté sia domanda.
La pluevia de dinés ne toma nia dlonch unfat.
Ala se trata de domandes per mete a jì ativités culturales y per fé investizions culturales. N pér de domandes é vegnudes sciuredes zeruch, pro d’autres án sburlé la dezijion a plu tert. Les unions singules à dantaldut prejenté domanda per compré strumenc musicai, guanc da zacan, mobiliar o mesi tecnics. “L budget é plu o manco unfat a chel dl ann passé y perchel pò de majeres investizions demé vegní sostegnudes en pert, en plu vuelen finanzié projec plu mirés y clers de cultura ladina”, à dit l assessour Mussner. D’autri ponc de discuscion é stés i criters da partí su i contribuc y l “Dì dla cultura ladina” che ti vegnirá eniann dediché a la toponomastica ladina con a la pert persones espertes. (ec/osp)
(0)Al ne me plej nia
(0)2 iadesc liet