Entratant no a la mozion de Willeit

 

No dl assessour Mussner a n troi dles rodes sun la streda vedla dla Val Badia

L raprejentant ladin Willeit se ova damané te na mozion che la streda vedla vegnissa valoriseda sciche troi dles rodes empede messei  passé fora per tuniei – La cleva fossa ideala

Tla senteda dl Consei provinzial da encuei (17.07.03) él vegnù traté la mozion dl aconsiadour y vizepresident ladin Carlo Willeit, con chela che al damanova de tegnì iant la vedla strada dla Val Badia sciche troi dles rodes. L frignon dlongia la Gran Ega fora s’adatassa – aldò de Willeit – per sia bela natura salvaria y sia cleva (pendenza) regolara dret ben per l transiament dles rodes y podessa ence sot l profil turistich giaté na bona valorisazion. La strada vedla- enscì Willeit – ne pò nia vegnì lasceda su daldut, davia che al passa sot ite la canalisazion y ala jirà de tant en tant debujegn de laours d’ispezion y de control dla conduta.  Sun la foto: entratant i laours de realisazion de n tunel anter San Laurenz y Lungega, l tunel ne é nia l post ideal per jí con la roda.

Perchel na gauja en plu per la valorisé sciche troi dles rodes. Sun proposta dl assessour competent, Florian Mussner, che ne veid nia l debujegn de n troi dles rodes bas fora, é la mozion de Willeit vegnuda sciureda zeruch. Mussner é dla minonga che les rodes dessa jì sun les stredes panoramiches o scenò passé fora per i tuniei che vegnirà iluminés.

2 iadesc liet