Al fova sté diretour dla scola auta “Raetia” de Urtijei
Alexander Prinoth de Urtijei sourantolarà dal prum de auril 2004 l’enciaria da diretour de repartizion scola y cultura ladina, do che l post fova gnù lede per pensionament de dr. Alfred Irsara. Alexander Prinoth (nasciù dl 1955) à fat la scola auta per l comerz a Urtijei y l stude de dert a l’université de Florenza. Dal 1980 enfin al 1983 àl laoré tla presidenza dla Jonta Provinziala. Prinoth à venciù l concurs publich y é, enier lunesc, vegnù nominé dal Govern Provinzial diretour de repartizion nuef.
Per diesc agn é Alexander Prinoth sté professour de dert tla scola Raetia de Urtijei y é chilo ence sté diretour dal 1993 enfin a sen. Tl Comun de Urtijei él sté dal 1985 enfin al 1990 assessour per la scola y i joegn. Desche nuef y soul diretour ladin de Repartizion pò Prinoth mostré su na formazion ampla tl ciamp dl management scolastich y n’ativité de deplù agn desche referent tl ciamp scolastich. (osp)
(0)Al ne me plej nia
(0)