Te na interogaziun à la fraziun LADINS damanè informaziuns al guern porsura les modalités adorades dai aministradus provinziai da partì fora contribuc por manifestaziuns. Al vën plü gonot dant che la man publica dà contribuc por daidé da finanzié manifestaziuns de vigni sort. Val’ iade vëgn spo fat jö le blasun dla provinzia sön i invic ales manifestaziuns y gonot enjunté l’ennom d’en assessorat o cinamai d’en assessur.
Te na interogaziun damana l’aconsiadù provinzial dai LADINS Carlo Willeit, söla basa de ci norma che chisc scioldi vën dês ca a inom “personal” y te ci caji che le blasun dla provinzia po gni adoré. El conzedü da scrì sö o anunzié l’ennom d’en aministradù, – co é na forma de propaganda por na porsona singula, – sciomia che ara se trata d’en contribut a spëisa dal ënt provinzia? Emplü dess i zitadins avëi le dërt da conësce les somes che l’aministraziun provinziala mët a disposiziun por sponsorisé manifestaziuns desvalies.
(0)Al ne me plej nia
(0)