Die Zeit: “Schnee Ade” tles Dolomites con fotografies da d’isté L sfuei edemal “Die Zeit” vuel documenté l mudament climatich y tol ca ence fotografies da d’isté
Tres pòl suzede fai te mass-media. Can che la revista á endere inom “Die Zeit” y can che i fai é trueps y griefs souraprò, veiden che al vegn gonot laoré a la slobra. Y sce na revista tant prestijoula laora mel, tant mel laora pa spo d’autres? “Schnee Ade!”: enscì l titul de na lignola de fotografies che á desche tema l mudament climatich.
Samben vegn i toponims nominés demé con l’inom todesch o talian – per l ladin n’àn deguna lerch; ma chilò s’enconta “Die Zeit” gonot con l’economia dl turism.
http://www.zeit.de/online/2007/06/bildergalerie-klima?1I fai é cotanc. Enscì é l jouf de Pordoi aladò dla “Zeit” sot al Saslonch; na fotografia sun l Pordoi devers l Sas Pordoi á sciche indicazion “Ausblick auf den Langkofel” (odleda sun l Saslonch). Che l jouf de Frera ae la medem auteza che chel dl Pordoi (2239) é n fal che pò suzede con l computer, n fal de stampa, n fal classich. Ma l “Boé-see am Sassongher” é endò na coieneda a vigni competenza! Che la Plose ae spo trei pizes é endò da rì. Poester enchinamai che i mass media con na gran defujipn slobre deplù che i mendri, ence davia che ai chier paroles y fotografies che feje vene. Y da la intenzion nàscel ence l maiour fal: l mudament dl clima é l’argoment, la mancianza de neif. Enfin a che les fotografies é fates d’invern va dut ben: ma fotografies fates d’isté per documenté la mancianza de neif é na coieneda y smendresc la credibelté. Che i fai romagne ence do che an ae indiché a la revista i fai, mostra ence che tant avisa ne la tol pa la “Zeit” nia.(mt)
Al me plej
(0)Al ne me plej nia
(0)
(0)Al ne me plej nia(0)1 iadesc liet