Dal museum Natura de Bulsan: prejentazion nueva

 

L stuep dla flour y les miels

Endoman, juebia ai 13 de mei da les 18.00, prejentazion soura les miels tl Museum Natura a Bulsan – Poscibelté de ciarcé les desvalives sortes de miel

“Lo spettro pollinico dei mieli dell’Alto Adige”, chest é l titul dla publicazion nueva dl Laboratore Biologich (agentura per la sconanza dl ambient) che vegnirà prejenteda endoman juebia, ai 13 de mei da les 18.00, tla senta dl Museum Natura a Bulsan, str. Binder 1. L liber descriv les enrescides de na archirida baseda sun l’analisa microscopica dl stuep dla flour per ester datant da fé controles segures sun l’origin y la provegnenza dla miel y de dé n marcl d.o.c.

La oura (opera) vegn enrichida da n atlant di stueps dla flour che contegn 165 schedes revardentes les miels che vegn dant te Südtirol. L letour ne pò nia auter che se fé demarevueia dla richeza y dla beleza dles formes poliniches al uedl dl microscop. La publicazion ne é nia demé penseda per i pigherés (apicoltours), ma ence per chi che se dà ju con analises dl stuep dla flour te si trueps ciamps de aplicazion (melissopalinologia, aereobiologia, paleopalinologia ecc.) y per i ensegnanc de biologia che podarà adoré chest strument tles scoles. I vijitadours ladins podarà se lascé sclarì i ciamps dal biologh ladin, Vito Zingerle.
 
Liam internet al museum Natura: http://www.naturmuseum.it

1 iadesc liet