Dal departiment per la cultura ladina

N resumee dles seires leterares

N barat de minonghes scialdi viv y costrutif anter i autours ladins desvalifs y i interessés de leteratura

Entratant les edemes che é stedes à truepa jent interesseda tout pert a les seires de letura y discuscion con autours ladins y esperc fora dl mond leterar ladin metudes a jì a Urtijei y a La Ila. L departiment per la cultura ladina che à organisé chestes seires de leteratura se desmostra content dl suzes arjont y programeia perchel ciamò n valgunes seires de leteratura ladina.

Seira de leteratura con Frida Piazza, David Lardschneider, Roland Verra, Waltraud Mittich y Brunamaria Dal Lago Verneri (foto: osp)

Les seires de leteratura ladina metudes a jì a La Ila y a Urtijei é gnudes animedes da n barat de minonghes scialdi viv y costrutif anter i autours ladins desvalifs y i interessés de leteratura. Entratant la discuscion envieda via a Urtijei él ence gnù rejoné dla fazion dla leteratura ladina fora dles valedes ladines. Waltraud Mittich y Brunamaria Dal Lago Veneri, che à tout pert a la meisa torona a Urtijei à sotrissé l bujegn de sostegnì la leteratura ladina ence tl certl leterar de Südtirol. L Assessour ladin Florian Mussner ti dà na gran emportanza a chesta sort de manifestazions per valorisé la leteratura ladina. „Per promueve l interes per la leteratura ladina végnel programé de mete a jì ence tl davegnì de tel manifestazions“ à empermetù Mussner. (osp)

2 iadesc liet