Stieres de laour per ladins tles Unités Sanitares y cursc de lingaz
Nia da giut à l Consei provinzial traté n pont dl orden dl dì dal titul “debata sun l proporz y sia aplicazion” y i aconsiadours ova la poscibelté da fé domandes y giaté spligazions soura duc i aspec che reverda chesta materia. Entratant sia touta de posizion à l conseier ladin Carlo Willeit fat deplù domandes, ma plu de una é resteda zenza resposta. Al en à perchel porté dant n valgunes sot forma de interogazion. Enscí se ál damané anter l auter plu avisa: 1) tant inant che al é la volenté politica da lascé permez i ladins ence tles stieres dles Unités Sanitares fora dles valedes, zenza che ai messe se declaré de n auter lingaz per giaté l post y 2) sce al ti vegnirà dé la poscibelté ai ladins da laoré ence ti comuns fora dles valedes ladines. Plu inant damanova Willeit varesc concrec per sostegnì l sistem proporzional ence tres la sconanza y la promozion dl lingaz ladin enstes.
Da la resposta ruveda adalerch dant da n per de dis resulteiel che l Govern Provinzial à tout su con scerieté les propostes de Willeit. Con la campagna di cursc de ladin ai dependenć provinziai y regionai él vegnú metú n vare concret tl vers de na valorisazion dl lingaz y l proponiment da volei dè fora les leges provinziales ence per ladin desmostra respet y sensibilité devers dl laour politich dl aconsiadour y vizepresident ladin Carlo Willeit, enscí la minonga tla LL.
(0)Al ne me plej nia
(0)2 iadesc liet