Concurs per ensegnantes y ensegnanc dles scoles ladines met man de merz 2005
Per plu de 100 ensegnanc dles scoles ladines se tràtela segn d’emparé per i ejams. De merz 2005 metarà man i prums ejams scric dl concurs ordinar per ensegnanc dles scoles elementares, mesanes y autes.
A la fin de merz 2005 scomenciaràl i ejams scric per i ensegnanc che tol pert al concurs per la scola elementara ladina. Endut tolaràl pert ai ejams 65 ensegnanc, de chisc 40 dla Val Badia y 25 de Gherdeina. “I ejams vegnirà tegnus per vigni classa de concurs y chest vuel samben dì bendebot de sforz per l’Intendenza. Per nostes comiscions d’ejam messonse cherdé ite comembri dles comiscions d’ejam de concurs todesces. Per chesta rejon él i ejams per les scoles ladines ence n pu plu tert respet a chi dles scoles todesces,” à splighé l Ispetour Ellecosta Lois.
De merz 2005 metaràl ence man i ejams scric per i ensegnanc che s’à scrit ite al concurs per la scola mesana y auta dles valedes ladines. Endut s’àl scrit ite 43 candidates y candidac. Pro i ejams de concurs per la scola mesana y auta gniràl damané fora te 22 ciamps spezifics; trei de chisc reverda demé la scola mesana, sies tol ite plu liviei de scola y 13 à demé da fé con la scola auta. Duc i ejams vegnirà tegnus a Urtijei. L’Intendenza ladina lasciarà ciamò al savei avisa i termins d’ejam per i ciamps spezifics singui y ence sciche i candidac vegnirà en caje partis su ti locai desvalifs. Per l moment végnel tegnù de plu cursc de preparazion ai ejams. Per ensegnanc dla scola elementara pieta l’Intendenza ladina endut 180 ores de curs sun argomenc generai y plu spezifics. Per les scoles mesanes y autes végnel pité 130 ores de curs sun la legislazion, la didatica, l lingaz ladin y e.i.. Per cie che reverda i cursc plu spezifics pò i ensegnanc dla scola mesana y auta anuzé les ofertes dl’Intendenza todescia. (osp)
A la fin de merz 2005 scomenciaràl i ejams scric per i ensegnanc che tol pert al concurs per la scola elementara ladina. Endut tolaràl pert ai ejams 65 ensegnanc, de chisc 40 dla Val Badia y 25 de Gherdeina. “I ejams vegnirà tegnus per vigni classa de concurs y chest vuel samben dì bendebot de sforz per l’Intendenza. Per nostes comiscions d’ejam messonse cherdé ite comembri dles comiscions d’ejam de concurs todesces. Per chesta rejon él i ejams per les scoles ladines ence n pu plu tert respet a chi dles scoles todesces,” à splighé l Ispetour Ellecosta Lois. 
(0)Al ne me plej nia
(0)