Da la repartizion provinziala a la agricoltura

 

Danns per gauja dla secia de chesta outa

I formulars per les domandes de indenisazion sen dantman – Les domandes mess vegnì prejentedes enchin al prum de dezember 2003

(ops) Ti proscims dis vegniràl organisé da pert dla repartizion agricoltura na enduneda con i raprejentanc locai dles unions di paurs per splighé miec i detais tecnics dla indenisazion di danns da secia (seciora) y te chesta ocajion vegniràl ence partì fora i formulars per fé domanda.

Ortié ite domanda pò duc chi paurs che à abù na perduda minima complessiva  dl 35% sun l volum de dutes les coltivazions (y nia demé sun cie é vegnù arcoiù) da l’azienda.  De d’autres  condizions per podei permez a l’indenisazion reverda l zidlament oblient de bestiam y l anuzament de n eventual contribut per mioré l’ativité de vejolé. La Provinzia à dé pro n calender con les encontedes con i paurs sun l teritore per dé dutes les informazions nezesciares sun les modalités y sun i formulars per giaté  l’indenisazion.
Les domandes mess vegnì prejentedes enfin al prum de dezember 2003 a  la  repartizion  provinziala a la  agricoltura. L calender dles encontedes  é ence da garat sun la rei zivica a la miscion: www.provinzi.bz.it/ladnwirtschaft – y te vigni caje pò i paurs giaté i formulars dal 27 de otober al 1 de dezember dretermenter ti ofizes raionai dla repartizion provinziala.

Te chestes encontedes a livel local vegniràl ence tout su les domandes nezesciares per evité tais dles cuotes dl lat per chi paurs che à dé ju manco dl 70% dla cuota assegneda per l’aneda 2003/2004.

5 iadesc liet