Bensté per i projec tl Comun de Mareo y de Corvara
Arac per i projec de costruzion de stredes tl Comun de Mareo y de realisazion de na deponuda per i ros dl implant da fé neif tl Comun da Corvara.
Tla senteda da en mertesc à la II.a Comiscion provinziala per la sconanza dla contreda con a cef Adriano Oggiano, diretour dl Ofize provinzial per la sconanza dla contreda, tout en conscidrazion na linia de projec, anter chisc ence cater projec per la sistemazion de stredes tl Comun de Mareo. Un de chisc projec à da fé con l coliament dl raion d’ampliament “Pincia de Calogna II” a la streda bele esistenta y i autri reverda l miorament dla streda da ti ruvé permez ales viles de Fordora, Val dla Tor y Brach. Emplù él ence gnù dé l bensté per la realisazion de n post per lascé ju i ros dl implant da fé neif dla sozieté “Sciovie Pralongià Srl” tl Comun da Corvara.
Chest post de deponuda gnirà realisé dlongia la pista Planac; chilò gnirà i ros lascés ju entratant i meisc olache ai ne vegn nia adorés. (osp)
(0)Al ne me plej nia
(0)1 iadesc liet