Cursc de ladin per i impiegac dla provinzia

 

Contribut dl 70% per emparé ladin

Da auril 2003 inant pieta l ofize provinzial per la formazion dl personal a si impiegac dlongia contribuc per fé cursc de todesch, talian o engleis ence n contribut per tò pert a cursc de ladin. L 70% dl costiment de n curs vegn sourantout da l’aministrazion.

Sun la plata internet http://www.provinz.bz.it/personal/0405/formulare_d.htm giàten l bon per l contribut (informazions demé per talian y todesc).

Chisc bons pò vegnì anuzés pro chestes strutures:  ALPHA & BETA,  y A.Z.B  (a Bulsan y Maran) y Istitut Ladin ”Micurà de Rü” (a Selva y San Martin de Tor).

A chesta moda giata i impiegac dla provinzia na poscibelté de gran valuta en plù per mioré sies capazités linguistiches y de conesce n lingaz tant dlongia a ei, empò per trueps tant dalonc.

Per informazions plu menudes pòn cherdé sun les strutures enciariedes ( ALPHA & BETA,  A.Z.B, Istitut Ladin ”Micurà de Rü”) o l ofize provizial per la formazion dl personal.

La Lista LADINS veid de bon uedl chesta iniziativa dla aministrazion provinziala de organisé y promueve cursc de ladin per si impiegac, tamben per l azertament formal che per l’adoranza con l publich; ma che chisc cursc dess dantaldut vegnì metus a jì da organisazions ladines y samben con maestri cualifichés. Vedan la situazion transitoria tl svilup dl lingaz ofizial, déssen pro duc i cursc ence emparé i elemanc de basa dl lingaz unitar de scritura (Ladin Standard), foradechel fòssel da trasmete ence n puech de cultura ladina. Pro la promozion dla rejoneda toca, dlongia l’emparé, ence l reconesciment tres la indenité, che dess, coche bele damané plu iadesc dai LADINS, vegnì slargeda fora a duc i impiegac ladins dla Provinzia y de autres aministrazions publiches. (if)

2 iadesc liet