Curs de spezialisazion tl setour sozial

 

Curs per emparé a guerné jent atempeda

Tecniches de guern ai amalés, medejina y pratica te 100 ores

L curs per emparé a secodì persones tl ciamp sozial é de 100 ores. Te 32 ores vegniràl ensegné tecniches de guern ai amalés, te d’autres 32 ores conescenzes emportantes tl ciamp dla medejina y spo él ciamò vedù dantfora 36 ores per fé pratica. Chest curs é pensé per assistenc soziai y chi che ti fej l guern a jent atempeda, che à arjont l diplom de jugn 1999 y che giatassa enscì na cualifica d’enjonta. L primar vedl dl labor de analisa dl ospedal de Bulsan, Umberto Gaspa y l infermier Roberto Bergo tegn l curs.

L curs, tl lingaz talian vegnirà tegnì dai 18 de fauré ai 19 de mei 2004, ai 8 de mei saràl i ejams finai. Informazions plu avisa pòn giaté diretamenter tla scola profescionala per laours soziai, tla streda St. Geltrude 3, a Bulsan; l numer de telefon é 0471 414418 y chel de fax 0471 414455. Internet: http://www.provincia.bz.it/formazione-professionale/2101/

2 iadesc liet