Contribut a la Union Scritours Ladins Agacins

 

L no de Mussner: fora de vigni cheder legal

Sen métel man l clientelism y al vegn metù en pericul la legalité y la liberté – Cie funzion à pa la Consulta Ladina?

de Carlo Willeit

Che dant les lites va i politics a vene contribuc desche al fossa scioldesc fora de sia tascia é na cossa  conesciuda, ma che i scioldi publics posse vegnì conzedus aldò dla bela o burta musa che un à, va contra vigni  regola. Dant da valgugn agn àn prové da ti stopé la bocia a la Usc con la manaceda da ti tò i contribuc, sen vuelen ti stopé la bocia a la Union dai Scritours, a chesta plata, a Noeles.net: n segn cler de arbitrarieté y de intoleranza, ma ciamò denant n at fora dal cheder legal y obietif. 10 agn alalongia fòvel  sté concordia anter Consulta y Jonta sun i contribuc a la cultura y sen métel man l clientelism?

I Agacins (USLA) se merita l sostegn publich tamben coche les autres lies y à dessegur plu rejon che lies che ne é nia lies culturales desche comuns, assoziazions turistiches, scoles o Provinzia enstessa. Sce l assessorat o la Jonta va soura l arat dla Consulta fora, sce ai ti tol la funzion da valuté l fin y l contegnù dla union y de sia ativité spo pò la Consulta vegnì touta ju vigni moment y l Govern pò de via i contribuc do sie plajei politich. Metù man àn l ultim ann dla legislatura passeda a jì clermenter contra l arat dla Consulta y ence a nia licuidé i contribuc a valch union.

 

2 iadesc liet