L ann 2004 endò plen de ativités
L’esposizion “Vejin” dutaorela da vedei te internet – Defata n convegn
Tl meis de jené à la Jonta comunala de Bulsan aprovè l program deliberé dal Consei dla Consulta Ladina y á endò metù a desposizion 24.100 €uro per sies ativités. Y cheles ne mancia nia. Al vegnirà metù a jì: n convegn, conzerc de musiga, n teater, na seira con ciantautours y leteratura y an pensa ence de mete jì la mostra soura i ladins “Vejin”.
Al vegnirà organisé zacotant de conferenzes de storia y per scluje ju l ann en valgunes manifestazions da Nadel. La mostra “Vejin”, metuda adum da la Consulta Ladina, pòn dutaorela vedei internet al sit www.vejin.com .
Entratant l ann végnel ence organisé manifestazions deberieda a la Comunanza ladina. La secreteria dla Consulta, Cherubina Nagler, se cruziará per l’organizazion. Per informazions pòn cherdé o mané n fax al nr. 0471-974239 o na e-mail a Cherubina.nagler@comune.bolzano.it .
(0)Al ne me plej nia
(0)2 iadesc liet