Concurs a vuet per vicaresc ladins

 

Degugn posc’ da vicare per i ladins

I doi posc’ resservés ai ladins dess vegnì scric fora danuef te na forma a pert, ghira la LL

Da empruma ne scrìven fora per trueps agn deguna stiera per ladins y can che ala é spo tant inant, él duc i candidac ladins che toma y i posc’ vegn ocupés da d’autri. Chest ne é nia demé suzedù pro l’ultim concurs dles stieres da vicare, ma al é bele vegnù dant te de deplù ocajions de concursc provinziai y statai. Chilò messova se mesuré 3 candidac contra 40, te d’autri caji 10 contra 500 y e.i.. Pro concursc ne vàla nia demé dl savei, ma ence de titui y ti gragn grups él dagnora candidac con n majer numer de ponc. Al é perchel demé una na forma giusta: chirì fora separatamenter. Sce an essa lascé permez i talians fossa dal concurs per i posc’ da vicare bonamenter ence i candidac todesc ruvés ultims o daldut tomés.

I ladins n’à en plu nia l vantaje de sie lingaz, ence sce ai à desmostré de savei te sie mestier talian y todesch miec co de autri concorenc. Tles comiscions d’ejam n’ài tla majera pert di caji nience n raprejentant. Ie spere che i candidac controleie do si laours scric sot al aspet dl contegnù. A vigni maniera ne dess i doi posc’ resservés ai ladins nia vegnì ocupés da d’autri, ma – zenza perde temp – atira endò vegnì scric fora. Ala se trata enultima de n dert dl grup linguistich da podei ence avei vicaresc fora de sie grup per podei adoré y valorisé (ence sce te na forma limiteda) sie lingaz dla oma, enscì la LL te sie comunicat stampa da encuei (28.08.2003)

3 iadesc liet