Per valei zeche mess i Ladins a Bulsan mete su na sia lista
- Les ultimes lites de comun desmostra che da sté sun la lista Margherita o SVP ne se paia nia, an va sot
Tl comun de Bulsan messarán endò jí ai 7 de november a lité per avei na jonta nueva. Do la burta esperienza fata con la Margherita, ma ence con la SVP y i DS él cler che i ladins de Bulsan mess mete su sia lista per se reconesce miec y dantaldut per emparé endò a tegní adum. Al vuel ester n partí de abineda, na lista che tole ite duc canc, daverta a vigni esprescion a livel linguistich, de partí y etnich. Con l spidiciament ne rúven propi inió.Al é gran ora de mete man a laoré atira te chest vers. D’autri partis á bele tegní en vender seira sentedes per ejaminé la figura di candidac a d’ombolt. Ence i ladins dess jí do chest troi y nia aspeté l ultim moment canche al vel fosc bele la “par condicio” che fej controlé tant che al vegn scrit per un y per l auter partí. Souradut déssen pensé atira ai candidac, ti fé la proposta a plu persones, mete man de se enconté atira, tré su l problem dla prejenza ladina te comun. Chest iade méssen se dé enstesc l coraje, zenza aspeté les grazies di autri. (u.c.)
Al me plej
(0)Al ne me plej nia
(0)
(0)Al ne me plej nia(0)2 iadesc liet