Ciastel de Tor: conzert

La familia Ploner da Urtijei conzerteia deberieda

Al vegn prié de fé na prenotazion tres telefon Tel. 0474 – 524020

Endoman vender, ai 30 de messel, da les 21.00 sarál da audí tl Museum Ladin Ciastel de Tor a San Martin de Tor n conzert de mujiga classica con l cuintet dla parentela Ploner da Urtijei. Christian y Günther sonarà les vidoles, la viola Friedemann, l violoncel gnirà soné da Michael y l contrabas da Otto. Anter les composizions musicales podaràn audì dantaldut toc barocs sibe talians che todesc y franzeisc.

Enscì podaràn ascuté su les notes de Vivaldi per cie che reverda la mujiga taliana, Bach y Telmann per les notes di componisć todesc y Charpentier per la mujiga franzeisa. L conzert podaràn ascuté su debant, purempò é la prenotaziun obligatoria, davia che i posć é limités dal moment che l conzert vegn tegnì tla court dl ciastel. L Museum Ladin envieia duc canc a vegnì a scuté su l conzert.

Al me plej

(0)Al ne me plej nia

(0)

2 iadesc liet

Ortiede inant tres