Al se trata de na despuscion
La provinzia vuel eder na pert dla puscion, sce ala dà ca n contribut
Per derturé y amplië la Cësa di Ladins a Urtijëi iel debujën de n contribut. La provinzia uel eder na pert dla puscion, sce la dá cà n cuntribut. Critiches stersces da pert de Union di Ladins, Leander Moroder de Luech y Natura y dla Lista Ladins. La Lista Ladins á prejentà na muzion ala jonta
Cësa di Ladins: per derturé y amplié iel debujën de n contribut, la provinzia uel pert dla proprietà L ie bele ani che la Union di Ladins de Gherdëina (ULG) uel restruturé si sënta, la Cësa di Ladins a Urtijëi, per soluzioné l problem de mancianza de lerch y per pudëi tenì ite la normes dates dant dala lege. N proiet n chësc cont, bele unì dat pro dal Chemun, ne n’iesen nia mo stac boni de realisé pervia dl finanziamënt che ie debujën, dantaldut ajache la Provinzia lieia n sustëni finanzier al dé ju pert dla proprietà. Te na interogazion al assessëur cumpetënt criticheia i LADINS chësta forma de barat da pert dl’Aministrazion provinziela coche at de sotmiscion y tentatif de curatela culturela. La Cësa di Ladins raprejenteia l zënter culturel liede di ladins dla Dolomites, la assoziazion privata ULG la à fata su cun l contribut ulenter de truep cumëmbri y la vën aministreda drët bën da 50 ani nca. Ulëi lië sën la sëurandeda de n contribut publich ala zescion de na pert dla proprietà, fossa n ntervënt desmesurà dl’Aministrazion publica tl svilup culturel liede di ladins, l fossa na sort de despuscion. I LADINS ghira perchël l assessëur cumpetënt de se festidië dla cossa cun duta la serietà che la se merita y de sté de zes da uni ntenzion de despuscion.
Al me plej
(0)Al ne me plej nia
(0) 2 iadesc liet
