N moviment per se stravardé da la scluta di joufs damana dialogh La chestion dla scluta di joufs deventa tres plu viva
Atira paròvel na cossa da podei realisé te puech temp. L’assessour Mussner fova dantadut de chesta minonga, ma el ne ova nia ciamò paié l cont al ostier. Rodunt i ostiers y i boteghiers che laoura sun i joufs se à abiné i dis passés sun l jouf de Pordoi per dì la sia. Ai à bele abiné adum 18.000 firmes per bloché y tegnì su dut cant. Una na cossa é i enteresc dles valedes che volessa se tegnì plu die che ala va i turisc’ te val y perchel ései contenc che i joufs sie scluc per manifestazions.
Ma de chesta minonga ne é samben nia i ostiers y i operadours turistics sun i joufs. Gonot ne végnei nience avertis dla scluta. A chesta moda él nasciù n moviment contrar a les scomenciadives toutes da una na pert soula, n moviment che giata l sostegn plen da la provinzia de Belun con sie president Reolon. L moviment à fat sies propostes, entratant i meisc de jugn y de setember, a na moda da ne aziché nia messel y aost. La abineda dles firmes jirà inant y portarà a n dialogh nuef. (ji)
(0)Al ne me plej nia
(0)1 iadesc liet