N barometer con interpretazions desvalives
Enrescida dl ASTAT – Florian Mussner: la provinzia de Bulsan fej assé per i ladins – Carlo Willeit: chest ne é nia veir – An veid ite la emportanza dl lingaz scrit unifiché
La Ila. En venders, ai 12 de mei 2006, él vegnù organisé da pert dl Consei de Formazion dl Comun de Badia la prejentazion dl Barometer sun la situazion linguistica ladina. Tres l domesdì à condut Lois Castlunger. La relazion dl barometer é gnuda porteda dant da Angela Giungaio dl ASTAT. Tl ann 2004 ova l’ofize dl’ ASTAT dla provinzia de Bulsan fat na enrescida sun la jent ladina, sun l’adoranza y la comprenjion dl lingaz ladin.
Tla enrescida àn trat ite cheles 500 porsones de Badia y de Gherdeina con formulars per ladin. Da la enrescida pòn vedei cler che gran pert dla popolazion dla Val Badia se sent dret ladina y coscienta de sie lingaz, depierpul che te Gherdeina en él trueps che adora l todesch sciche prum lingaz, ence te familia, valch che ne vegn feter nia dant tla Val Badia..
I tesć che vegn scric per ladin y vegn liec dai ladins él 75% dla popolazion che capesc dret ben. Pro n test de carater aministratif o ofizial végnel liet dret puech l ladin. L 16% dla popolazion n’é nia bon da tó na dezijion, sce l test de carater publich y aministratif dess gní scrit per ladin. An po vedei fora cler che l lingaz ladin vegn adoré tla forma orala, a ousc. Por cie che reverda la pert scrita él l 30% dla popolazion che l’adora. L rest dla popolazion adora i lingac todesch y talian.
N valgunes domandes dl baromenter (a pl. 212):
A la domanda: Ciun arateise pa vost lingaz dla oma?
él gnù responù enscì:
Te Gherdeina:
Ladin de Gherdeina: 76,6%
Ladin Val Badia: 1,6%
Autri idioms ladins: 0,5%
Todesch: 21,8%
Talian: 4,2
Auter 1,6
Tla Val Badia:
Ladin gherdeina: 2,9%
Ladin dla Val Badia: 84,3%
Autres variantes ladines: 1,8%
Todesch : 6,2%
Talian: 7,6%
Auter: 0,0
L ladin unifiché scrit:
Te Gherdeina é l 49,4% per l’adoranza dl ladin unifiché scrit. Tla Val Badia é ben l 75,2% per l’ adoranza dl ladin unifiché
Convivenza anter i grups linguistics
dret bona, da ciafié: 90%,
bendebot scleta, scleta, dret scleta: 10%
I ne sé nia: 5%
Tant végnel pa liet i foliec dai ladins?
La USC di LADINS
Te Gherdeina: 89,6%
Tla Val Badia: 87,1%
Te Gherdeina: 89,6%
Tla Val Badia: 87,1%
ALTO ADIGE:
Te Gherdeina: 52,2%
Tla Val Badia: 48,1%
Te Gherdeina: 52,2%
Tla Val Badia: 48,1%
DOLOMITEN
Te Gherdeina: 84,7%
Tla Val Badia: 57,8%
D’autri foliec talians
Te Gherdëna: 34,6%
Tla Val Badia: 26,2%
D’ autri foliec todesc
Te Gherdeina: 36,8%
Tla Val Badia: 29,3%
Percentuales che ne liej nia
Te Gherdeina: 1,0%
Tla Val Badia: 0,5%
Te Gherdeina: 1,0%
Tla Val Badia: 0,5%
Cie varianta adorassa pa chi che dij d’ester per l lingaz scrit unifiché?
Meses les porsones che é per l ladin scrit unifiché volessa l ladin dla Val Badia sciche lingaz scrit unifiché; trei sun cater de chi che viv tla Val Badia volessa sia varianta sciche lingaz scrit unifiché. Al vegn spo l 27, 2% per l ladin unifiché y l 17, 5 % per l gherdeina (a pl. 246.).
An veid fora che la jent dla Val Badia é deplù a una per n lingaz unitar scrit (Ladin Dolomitan) che i gherdeines. Ma al ne é nia cler cie che an miena empera.
Do la prejentazion dl Barometer linguistich àn podù audì valch minonghes di spetadours che é ruvés adalerch. L dot. Florian Mussner (assessour ladin SVP) à dit che i ladins n’à nia plu bria da se damané deplù da la provinzia, per l ladin végnel, aladò de Mussner, fat assé. Te sie intervent à dit l dot. Carlo Willeit che la popolazion ladina ne vuel nia avei de gran regoles. Tl radio y ti mass- media ésen ruvés a n pont che i ladins n’à nia ciamò duc i derć che ti speta. Al va dassen debujegn de na comunité linguistica unitara cotant plu sterscia anter duc i ladins dles Dolomites.
Hilda Pizzinini à fat l’osservazion che ti mutons se mesceidel ite dassen l talian y l todesch y l ladin vegn sburlé sun na pert. Michil Costa, president dla Union Generela di Ladins dla Dolomites, é ence a una che i ladins à de gran mancianzes per cie che reverda l lingaz y la cultura ladina. Per cie che reverda l’ensegnament te scola végnel dit che tles scoles rúvel tres deplù mutons de d’autres nazionalités. Dai mutons ne auden nia plu rejonan n bel lingaz ladin net y cler y chest desplej dassen. Al é gnù dit che un di prums scritours ladins te nosta storia, Tita Alton da Calfosch, à scrit n grum de poesies che rejona di ladins y ch’al à dagnora combatù per ti fé conesce deplù l ladin ai ladins, tres la pruma gramatica ladina dla Val Badia y sies beles poesies. (Roland Thaler)
Hilda Pizzinini à fat l’osservazion che ti mutons se mesceidel ite dassen l talian y l todesch y l ladin vegn sburlé sun na pert. Michil Costa, president dla Union Generela di Ladins dla Dolomites, é ence a una che i ladins à de gran mancianzes per cie che reverda l lingaz y la cultura ladina. Per cie che reverda l’ensegnament te scola végnel dit che tles scoles rúvel tres deplù mutons de d’autres nazionalités. Dai mutons ne auden nia plu rejonan n bel lingaz ladin net y cler y chest desplej dassen. Al é gnù dit che un di prums scritours ladins te nosta storia, Tita Alton da Calfosch, à scrit n grum de poesies che rejona di ladins y ch’al à dagnora combatù per ti fé conesce deplù l ladin ai ladins, tres la pruma gramatica ladina dla Val Badia y sies beles poesies. (Roland Thaler)
Consei de Formazion de Badia: envit con informazion sun l ladin standard
Al me plej
(0)Al ne me plej nia
(0)
(0)Al ne me plej nia(0)1 iadesc liet