L forum mondial dla cultura 2004 a Barcelona
L re Juan Carlos à daurì la mega-manifestazion tla capitala dla Catalugna
Envian a la giustizia y a la solidarité à l re de Spagna Juan Carlos declaré enier daurì l forum mondial dla cultura a Barcelona tla Spagna. Dant da 3500 enviés, anter chisc l premier spagnol José Luis Rodríguez Zapatero, se àl aodé n “mond solidar”. I organisadours dl forum arata che al ruve adalerch entourn 5 milions de vijitadours.
En gaujion dla daurida à Zapatero dit che l forum é una de cheles manifestazions che deida a pensé do sun nost davegnì deberieda. Cultura ne pò nia deventé n moment de orela curta o n produt. L secreter general dla UNESCO, Koichiro Matsuura, á dit che an dess reconesce les desferenzies culturales y les respeté. Les mesures de segureza tla zité de Barcelona fova dret amples per gauja dl atentat de Madrid di 11 de merz con 191 morc.
Finamira de chesta manifestazion é de crié n dialogh anter les cultures: 450 conzerc, 141 teatri, n grum de manifestazions de mujiga y de bal, desche ence 27 esposizions, cabarets, raprejentazions de zircus y festes popolares, debates y conferenzes sun la pesc y n svilup durent. L forum dess fé deventé la metropola catalana zenter cultural dl mond entratant chisc 5 meisc.
Deplù informazions giàten a la miscion internet: http://www.barcelona2004.org
(0)Al ne me plej nia
(0)1 iadesc liet