Les rejonedes dl’Italia dl Nord te n database on-line
Al vegn enrescí les desvalivanzes tla sintassa de duc i dialec talians dl’Italia setentrionala, dl ladin y furlan

Les desferenzes de majera relevanza anter ladin-retoroman y i dialec talians é tres les medemes: palatalisazion de -ca- y -ga- (che vegn endere ence dant te valgugn dialec al confin, les enscidites anfizones, ma d’inrer y nia generalisedes), plural en -s, mantegniment di liams -pl-, -fl-, -gl-, -cl- y e.i. A pert chest é l atlant interessant, davia che an ciafia da vedei empera les medemes frases te n grum de formes dialetales talianes dl nord, plu furlan y ladin dles Dolomites, che é dret desvalives anter eles sibe tles paroles che tla sintassa. An veid enscí p.ej. tant forest che al é l dialet dla Val Biois/Agordin (che reclameia de ester “ladin”) da chel dl Sela. L rumanc di Grijons ne é nia sclut ite. Per la Ladinia giáten desche ponc de relevament: San Linert y Corvara tla Val Badia y Selva te Gherdeina.
L liam al sit: http://asis-cnr.unipd.it/query.en.html


3 iadesc liet