Antersasc, streda o deguna streda

Do avei tout pert a la manifestazion contra la streda de Antersasc ai 28 de aost, sonsi vegnù afrida de storje pro ite dal Sanvì a Lungiarü, adum a Marco Clara y Hermann Dapoz, a beive zeche.

Dailò fòvel ence n clap de paurs y valch membri dla Svp de paisc. La discuscion é tost pieda via y i é abù la ocajion de audì les temes y les speranzes di paurs.

de Albert Pizzinini (Ladins Dolomites)

Cie che vegn fora é la tema de ne se embasté nia plu l am de jì inant con l’ativité paurila y ence la contraposizion con i operadours turistics. L „no“ a la streda de Antersasc vegn vedù desche n at contra i paurs, cie che ne stimeneia perauter nia, ajache a vignun ti éla clera l’emportanza dl laour da paur tl sistem economich local. Cie che ne vegn nia entenù é che la streda ne conduj nia a n majer enrediment dl’ativité agricola locala. Al é d’autri entervenc che mess vegnì fac. Per mioré l enrediment méssen emprumadedut ester bogn da tré ite deplù. Chest arjònjen demé tres na majera colaborazion anter turism y pauraria che deventa ciamò plu emportanta, sce an conscidreia che dl 2013 déssel vegnì tout ju les cuotes dl lat, cie che fajarà calé i priesc. Una dles poscibeltés é de mete man con na colaborazion plu strenta y frutoula anter turism-agricoltura locala con na merscia de cualité. Chest ti permetessa ai operadours turistics de auzé i priesc y al paur de aumenté sie enrediment.La mont de Antersasc, ram de rejia chest isté. L turist é zenzauter a una de paié deplù per n produt de cualité y chest messaje mess ti Les discuscions sun plaza de gliejia fova dret animedes.ruvé al scior. Tres i mesums finanziars che é bele vegnus aloghés per la seconda pert dla streda, podéssen p.ej. mete man con chest projet, n projet con vantajes per duc. I vedaron sce al é tant de longia veduda dantman o sce defene y finanzié l enteres privat de n paur de Puster, che roda bele sen con l SUV per ruvé ite en Antersasc, sie plu emportant. La discuscion tla ostaria Sanvì desmostra tamben sciche posizions endurides pò se smonejelé.

Liam a Facebook de: Salvun Antersasc

 

{becssg}Antersasc3|caps=1|prld=1{/becssg}

{becssg_c}0|Antersasc1.JPG|La mont asconuda de Antersasc|Ram de rejia isté 2010{/becssg_c}

{becssg_c}0|Antersasc3.JPG|Les pizes soura Antersasc|Na mont puech conesciuda enfin a chest ann, tant desman éla.{/becssg_c}

{becssg_c}0|biescesantersasc.jpg|Antersasc fova dantaldut na pastura per biesces (feides)|Les biesces se contenteia de puech{/becssg_c}

{becssg_c}0|Ciampanins.jpg|I creps se auza adretasù, da l’autra pert é la mont plu monejela|La mont te n dì da pluevia{/becssg_c}

{becssg_c}0|Ciarusc.jpg|N tuel devers Puez|Pontons de crep dolomitch devers i altiplans de Puez{/becssg_c}

{becssg_c}0|Cier.jpg|N vedl cier|Méssel mo ence ti fé lerch a la streda?{/becssg_c}

{becssg_c}0|forgnons.jpg|Rie temp ta Antersasc|Tarlis, pluevia y valch iade ence neif tratant l isté{/becssg_c}

{becssg_c}0|glereis.jpg|Barantleis y glereis|Brusces de barantl cuer l crep bluder{/becssg_c}

{becssg_c}0|Granvalon.jpg|La picera val de Antersasc|Tres plu alaut conduj la semena{/becssg_c}

{becssg_c}0|Muraies.JPG|La ciajera de Antersasc, la utia per l famei y la stala o fodera per les biesces|Per trueps agn fova l Poidl famei de Antersasc, conesciù lonch y lerch tla Val Badia{/becssg_c}

{becssg_c}0|nioi.jpg|La ciaolera de Antersasc|La cialvera cuer la val dessot{/becssg_c}

{becssg_c}0|pastura.jpg|L ciampei de Antersasc|Na bela veja verda encertleia la ciajera{/becssg_c}

{becssg_c}0|pastures.JPG|Crep y palac|Per les biesces él na bona pastura{/becssg_c}

{becssg_c}0|solenta.jpg|Na semena angosta conduj ta Antersasc|Tant die pa ciamò?{/becssg_c}

{becssg_c}0|valon.jpg|Antersasc soura les nioles|Glereis ruva enfin a tla val{/becssg_c}

 

Al me plej(0)Al ne me plej nia(1)

653 iadesc liet

Ortiede inant tres

Scrive n comentar a revert de "Antersasc, streda o deguna streda"

Scrive n comentar