La université popolara de Fascia deura endò sies portes
Ultim termin per se scrive ite é l 17 de otober
(cg) Ai 13 de otober végnel inauguré a Poza l ann academich 2003/2004 dla université popolara dla Val de Fascia. Ela é metuda a jì dal comun de Poza en colaborazion con l Istitut regional de studes y enrescides soziales de Trent. Na scomenciadiva che va bele inant da agn y che vegn tres deplù aprijieda: l ann passé fova i scric ite na otantina. Les lezions piarà via en vender ai 17 de otober da les 3 domesdì tl auditorium y ales durarà enchin ai 2 d’auril 2004. Te chest ann de scola vegniràl traté desvalifs argomenc:erbes da medejina, alimentazion , prum aiut, geografia, storia trentina dl XX secul, museum ladin, religion y ambient. Dlongia n’ora a l’edema de ginastica vegniràl ence pastelné. N valgunes conferenzes se darà ju con erbes da medejina, con l’Europa, la vera tl Irak y testimonianzies de viadesc.
Enchin al vender ai 17 de otober pòn ciamò se scrive ite tl Comun de Poza, numer de telefon 0462.764758. Per se scrive ite bàstel avei complì i 35 agn.
(0)Al ne me plej nia
(0)7 iadesc liet