Karl Unterkircher é l president nuef dl Aiut Alpin Dolomites
15 scuadres é sen assoziedes al Aiut Alpin Dolomites soura i confins provinziai fora
L Aiut Alpin Dolomites à n president nuef tla persona de Karl Unterkircher de Sëlva che ti tol ju l’enciaria a Willy Costamoling. Conesciù é Unterkicher per avei arjont l ann passé l Mount Everest zenza ossigen.Karl Unterkircher fej pert di Judacreps de Gherdeina “Catores” y al manejarà l Aiut Alpin ti proscims 3 agn. Pro l Aiut Alpin Dolomites él vegnù tout su dant da puech ence i judacreps dl Sest, ruvan enscì a 15 scuadres assoziedes. L Aiut Alpin é vegnù metù en pe dl 1990 desche union anter i judacreps tles Dolomites per podei gestì deberieda n sie jolier da salvament. Al à fat te chisc agn ben 6100 intervenc de salvament tl raion dles Dolomites y valch iade sourafora. 
La zentrala operativa dl Aiut Alpin Dolomites é logheda a Pontives te Gherdeina, da olache al peia via l jolier, n EC 135 T2, enjigné ite desche ambulanza.
La zentrala operativa dl Aiut Alpin Dolomites é logheda a Pontives te Gherdeina, da olache al peia via l jolier, n EC 135 T2, enjigné ite desche ambulanza.
Al me plej
(0)Al ne me plej nia
(0)
(0)Al ne me plej nia(0)7 iadesc liet