DVD nuef: Aa-gar, l ciaciadour solitar
Prejentazion en juebia, ai 16 de fauré, tla sala “L. Heilmann” dl Museo Ladin de Fascia
L DVD porta a compliment idealmenter n projet multidisciplinar sun la Preistoria, nasciù en colaborazion con la Scola Primara de Moena dl 2003, che à vedù dant la realisazion dl liber dal valif titul tout fora y adaté da la contia per mutons de Mauro Neri, do la creazion de n spetacul con les musighes de Emilio Galante per mete al luster l’espressivité dla conteja y dles figures realisedes dai bec.
Foto: ciaciadour paleolitich.
Scrin dl Museo Ladin/Istitut Ladin de Fascia
Chest produt multimedial dá sen l muet de enjonté na fasa finala che meina endò l percours a sies valenzes didatiches da olache al é pié via, con la creazion de materiai didatics de aprofondiment aldò, sie per ladin che per talian.
I materiai enjontés apede, duc da podei stampé fora dal computer, vegn defat spartis te Figures y tesc’ con la contia entiera y les scenes; schedes che tol ite eserzizes y juesc per verifiché la comprenjion dla contia de Aa-gar; Aprofondimenc con l deidament de tesc’ sun la Preistoria, y filmac olache an po vedei cater videoclips sun l Temp mesolitich che vegn ca da la Sala “I Prums Temps” dl Museo Ladin.
Donca él a la leta de ensegnanc y de apascionés n produt de cualité che dá l muet de avei n contat ciamò plu concret con l tema dla Preistoria y con i reperc archeologics per mete a jí trois sun temesc trasversai, adoran tesc’, figures y filmac.
Scrin dl Museo Ladin/Istitut Ladin de Fascia
(0)Al ne me plej nia
(0)1 iadesc liet