Te recorde maester Simonin
Te recorde maester Simonin dut l’an viventar strade e piazescoitar per rejonar
scriver per contar
ensegnar no per comanar ma per convinzion e gran estro de dar
Te recorde maester Simonin om zevil e de gran stima
mai sforzar la osc per soperchiar
perché da om sèvech to saeve che la rejon
no l’à tema de le storture de chi più forc o de chi più auc
Te recorde maester Simonin dal cher te man
semper a la leta de to paes e to jent
ascort che l jir di tempes e i mudamenc del benesser
no i ge tolesse fora de man l sentiment più biot de so esser
Te recorde maester Simonin che da Even jù
te saeva bel te vardar via toa Moena
da Someda a Sort, dal Gronton al Vajolon
La Madonina, Sèn Vile e to tera ladina
Te recorde maester Simonin
maester de scola e ejempie de vita
pascion, ideai e fogn sentimenc
diotelpae …
per dut chel che tu as fat al ben de nosha jent.
Riccardo Zanoner – Zigher –
Fascia, ai 8 de firé 2006 –
Al me plej
(0)Al ne me plej nia
(0)
(0)Al ne me plej nia(0)1 iadesc liet