“Un puint a traviars la Ladinie europeane“
O vin di jessi agrâts a ducj i colaboradôrs furlans: Renzo Balzan, Agnul Pittana, pre Zannier, Nazzi, Barbin, Mansutti e altris
de Bruno Muzzatti
Lu à dit pre Meni Zannier a propuesit di cheste pagjne ladine comentant i siei dîs agns di vite tal ‘89: “Si sa cemût che a van lis robis. A nàssin dispés di cui che mancul si spietisi e à fàsin, magari in mieç a mil berdeis, le sô strade”. Al veve viodût just pre Meni, puest che di strade and à fate ancjmò unevore cheste biade pagjine, rivant cun dute le sô vôs, a voltis discomude, cu le sô orgojose indipendence, a finî il gjubileu dai 25 agns. Nassude come puarte-vôs culturâl de Union Scritours Ladins “Agacins”, la Clape che par agnorums e à furnît largje part dai colaboradôrs, “Plata di ladins” si è planc planc daviarte al intîr mont ladin partìnt des lidrîs de antighe gjernazie dolomitane, cirìnt di dismovi gnûf interés viars cheste realtât zuiant la cjarte avonde impuartant de divignince storiche, fasìnt incressi la cognossince dai patrimonis, des usancis e des tradizions di chel popul ch’al vante une tâl antighe riunde. Foto: la basilica de Aquileia con siei conescius mosaics. Con l Friul ne partionse nia demé n aut gré de pertegnuda linguistica, ma ence liams religousc: la cristianisazion dl raion dles Alpes orientales é pieda via da la senta patriarcala de Aquileia.
Un procés ch’al é madurât cul timp e al’à infondût ai ladins un sens di apartignince plui convint tant di fàur pensâ a une rapresentativitât politiche, buine di pupilâ lis sôs problematichis esistenziâls, economichis e culturâls e dutis lis sôs esigjencis. Strent in mieç a lis dôs magjorancis, taliane e todescje, scjafoiât dal zûc di podê di chestis, il troi politic ladin al à fadiât ungrum a deventâ strade ma dutcâs al à cjatât une so colocazion dignitôse e indipendent di rapresentativitât.
Dut chest graziis ancje a “Plata di ladins”, a pre Berto Videsott che cun impén e massime dedizion al à puartât indevant par 25 agns a la lungje l’imprest de stampe ch’al si é rivelât di impuartance grandone pe conservazion de filusumìe etniche, dal lengaç e de culture ladine.
Lâ indenant tal timp e vûl di progredî tal timp. E al è propit su la “Plata” dal gjornâl “Alto Adige”, che luncvìe di chesç 25 agns i Ladins e àn vut contat tra di lôr e cul mont interladin. Al è midiant de “Plata” che si son fàts cognossi miôr ai no-ladins vuadagnànt simpatìe e uficialitât. A covente lavorâ ancjmò par rivâ a incressi, ancje midiant de stampe, cheste rapresentativitât sperant su lis risorsis di furacis zovinis che à suplìssin cui che in chesç 25 agns al à daviarte la strade.
Cjalant cheste pagjine cun voi furlans o vin di jessi agrâts al gjornâl che al nus à permetût di spalancâ une fignestre al di fûr dal nestri Friûl, ch’al nus à judâts a insiorâ il ricognossiment di apartignince al grop ladin, e ‘o vin di jessi agrâts a pre Berto e a duç i colaboradôrs in marilenghe che si son sucedûts, pensìn soredut a Renzo Balzan, Agnul Pittana, pre Zannier, Nazzi, Mansutti, Barbin e altris.
Sôre la “Plata” i furlans no àn metût in lûs dome i problems dal Fogolâr di Bolzan o di chei altris Fogolârs de regjon, ma ur àn dât ancje un contribût plui grant e plui consistent tal cjamp culturâl. Oltri di chês dai furlans, dai ladins dal Fodom, di chei dal Anpezan e dal Cjadovri, l’ “Alto adige” al à pandudis ancje lis peculiartitâts dai romanç svuizzars e duç àn mostrât preseament par cheste pagjine tant di cussiderâle un puint butât idealmentri traviars la Ladinie europeane.
Un gjubileu, doncje, ch’al merte di jessi fiestegjât adimplen pal grant contribût che la pagjine e à produsût in chesç 25 agns a pro de miôr cognossince di une tiare, chê Dolomitane, e di un popul, chel Ladin.
(0)Al ne me plej nia
(0)2 iadesc liet